ИҶЛОСИЯИ НАВБАТИИ ШӮРОИ ВАЗИРОНИ КОРҲОИ ХОРИҶИИ СКИ КУШОДА ШУД

Душанбе,  18 май. (АМИТ «Ховар», Фарангис  Раҳимова). —  Субҳи  имрӯз  дар  шаҳри  Душанбе  иҷлосияи  37 – уми  Шӯрои  вазирони  корҳои  хориҷии  мамлакатҳои  аъзои  Созмони  конфронси  исломӣ  кушода шуд. Мухбири  АМИТ «Ховар»  хабар  медиҳад, ки  қариб  ҳамаи ҳайатҳои  иштирокчии  иҷлосия  дирӯз ба  Душанбе омаданд. Дар  иҷлосия  ҳайатҳои  57  мамлакати  аъзои  созмон,  6  давлати   мушоҳид,  ҳайатҳои  созмонҳои байналхалқию  минтақавӣ,  роҳбарони  муассисаҳои  илмии  созмон,  муассисаҳои  молиявӣ,  аз  ҷумла, Бонки рушди  исломӣ  ва  ғайра  ширкат  меварзанд. Дар  иҷлосия  Президенти  Ҷумҳурии  Тоҷикистон  Эмомалӣ Раҳмон  ширкат  меварзад.