КӮМАК БА ЗАРАРДИДАГОН

Кӯлоб, 24 май. (АМИТ «Ховар», Сулаймон  Холов). —  Бо  дастуру  супоришҳои  Президенти  ҶТ  муҳтарам  Эмомалӣ  Раҳмон оид  ба  дастгирии оилаҳои бар асари офати табиӣ зарардидаи  шаҳри  Кӯлоб   ва  расонидани  кӯмаку  хайрияҳо  ҳамарӯза  аз  ҷониби  ашхоси  саховатпеша   вазорату  идораҳо,  шаҳру  ноҳияҳо  умуман  кулли  сокинони  ҷумҳурӣ  сомон  ёфта  истодааст. Дар   пайрави   ба ин  амали  хайр корвони  мошинҳои  пурбори  ҶСП  корпоратсияи « Сомон — Душанбе» ба шаҳри Кӯлоб ворид гардид. Кӯмаки  расонидашуда  иборат  аз  50 т орд, 4 т макарон, 1 т биринҷ, 2,5 т шакар, 2 т равған, 200 дона рахти хоб ва 200 дона болишт буда, ҳаҷми умумии маблағи хайрия 106 ҳазор сомониро дар бар  мегирад. Инчунин аз тарафи  ҷамоати  деҳоти  «Гулистон» ва муассисаҳои  таълимии  ноҳияи  Рӯдаки  маводи  хӯрока  ва  маблағи   1968  сомонӣ , ҶСК « Ориёнбонк» 400 ҳазор сомонӣ, Агентии назорати  давлати молиявӣ ва мубориза бо коррупсияи ҶТ маблағи 45 ҳазор сомонӣ, Кумитаи  телевизион  ва  радиои назди Ҳукумати ҶТ маводи хӯрока ва сару либос ба офатзадагони  шаҳри  Кӯлоб  кӯмака  расонидаанд.