МАҲФИЛИ «ҚАНДИ ПОРСӢ» ДАР ШАҲРИ ХУҶАНД

Суғд, 25 май. (АМИТ «Ховар», Самад Юсуфӣ, Мирзалӣ Амонов).- Бахшида ба ёдбуди шоири зиндаёд Лоиқ Шералӣ имрӯз дар ҳамаи факултаҳои Донишгоҳи давлатии Худжанд ба номи академик Бободжон Ғафуров чорабиниҳои фарҳангӣ ва адабӣ баргузор мегарданд. Бо ин мақсад бо ташаббуси раёсати донишгоҳ ва роҳбарону олимон ва донишҷӯёни фаоли факултаи шарқшиносӣ маҳфили адабию мусиқӣ бо номи «Қанди порсӣ» боиси шаҳодати ҳунару истеъдоди волои донишҷӯён гардид. Дар чорабинии мазкур устодони донишгоҳ оид ба ҳаёт ва фаъолияти Лоиқ Шералӣ сухан карда, донишҷӯён аз эҷодиёти шоир маҳорати адабӣ ва шеърхонии  худро ифшо намуданд. Сипас,  барои иштирокчиён барномаи консертӣ бо иштироки ҳофизи хушовоз Мирсалим Ашуров ва Матлубчон Ашуров пешкаш гардид. Дар охир фаъолон бо тӯҳфаҳои хотиравӣ қадрдонӣ карда шуданд.