ПАРЛУМОНИ ТОҶИКИСТОН СОЗИШНОМА ОИД БА ЭКСТРАДИТСИЯРО БО ЭРОН БА ТАСВИБ МЕРАСОНАД
Душанбе, 24 май.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2010», «Дар бораи рӯзҳои ид», Дар бораи ворид намудани тағйирот ба Кодексҳои ҳуқуқвайронкунии маъмурии Ҷумҳурии Тоҷикистон ва Кодекси меҳнати Ҷумҳурии Тоҷикистон, аз масъалаҳое буданд, ки дар ҷаласаи Шӯрои палатаи поёнии парлумони Тоҷикистон, ки 25 май дар ҳузури Раиси Маҷлиси намояндагон Шукурҷон Зуҳуров баргузор шуд, баррасӣ гардиданд. Дар ҷаласа ҳамчунин Созишномаи байни Ҷумҳурии Тоҷикистон ва Ҷумҳурии Исломии Эрон оид ба эктрадитсия, Созишномаи ҳамкорӣ дар соҳаи ошкор намудан ва бастани роҳҳои воридшавии шахсони фаъолияти террористӣ, ҷудоихоҳӣ ва экстримистӣ алоқаманд ба қаламрави давлатҳои аъзои Созмони Ҳамкории Шанхай муҳокима шуданд. Раисони Кумитаҳои Маҷлиси намояндагон Сафаралӣ Раҷабов ва Маҳмадалӣ Ватанов зимни шарҳи Созишномаҳои мазкур зикр карданд, ки ин санадҳои байнидавлатӣ ба таҳкими ҳамкории мутақобилан судманди Тоҷикистону Эрон ва давлатҳои СҲШ дар бахши эктрадитсия ва тақвияти муборизаи муштарак алайҳи терроризм, ҷудоихоҳӣ, ифротгароӣ ва таъмини амнияти сартосарӣ дар қаламрави кишварҳои аъзои СҲШ нақш муассир мегузоранд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
