ВОХӯРИИ ВАЗИРИ ФАРҲАНГИ ҶТ БО ДАБИРИ КУЛЛИ СОЗМОНИ ИСЛОМИИ ИЛМ,ФАРҲАНГ ВА МАОРИФ
Душанбе, 20 май.(АМИТ «Ховар», Лутфия Эшонқулова).- Дирўз, 19 май Вазири фарҳанги Ҷумҳурии Тоҷикистон Мирзошоҳрух Асрорӣ Дабири кулли Созмони исломии илм, фарҳанг ва маориф доктор Абдулазиз ат-Твайҷирӣ, мудири фарҳанг ва равобити ИСЕСКО доктор Наҷиб ал-Ғаётӣ ва дигар намояндагони ИСЕСКО-ро ба ҳузур пазируфт. Зимни мулоқот Вазири фарҳанг қайд кард, ки ташрифи меҳмонони фахрӣ дар симои доктор Абдулазиз ат-Твайҷирӣ боиси сарфарозии мардуми тоҷик аст. Дар навбати худ дабири кулли Созмони исломии илм, фарҳанг ва маориф қайд кард, ки бо гузаронидани чунин чорабиниҳо мо ба дигар кишварҳо исбот мекунем, ки ҷаҳони Ислом бисёр ҳам ҷаҳони зебо ва бузург аст. «Ин аст, ки эълон шудани соли фарҳанги исломӣ дар Тоҷикистонро ман як чорабинии муҳим ва зарур мешуморам. Зеро дар ҷаҳон ин кишварро боз ҳам хубтару беҳтар хоҳанд шинохт»,-изҳор дошт Абдулазиз ат-Твайҷирӣ ҳангоми сўҳбат. Дар ҷараёни вохўрӣ ҳар ду ҷониб аз зарурати омўзиши забони арабӣ сухан ронда, қайд намуданд, ки ин забон дар донистани ҷаҳони ислом, таърихи ислом ва фарҳанги ислом нақши муҳим мебозад. Дар вохўрӣ ҳамчунин Президенти академияи илмҳои Тоҷикистон Мамадшо Илолов ва раиси Шўрои уламои дин Амонулло Неъматзода ҳузур доштанд. Дар ҷамъбаст меҳмонон аз рафти дарси забони арабӣ, ки чанд рўз қабл дар Вазорати фарҳанг кушода шудааст, дидан карданд. Ва Дабири кулли Созмони исломии илм, фарҳанг ва маориф доктор Абдулазиз ат-Твайҷирӣ ба толибилмон таманно кард, ки зимни сафари оянда ҳамроҳаш бе тарҷумон сухан ронанд. Бояд ёдрас шуд, ки маҳз бо ташаббуси доктор Абдулазиз ат-Твайҷирӣ Душанбе соли фарҳанги исломӣ дар соли 2010 эълон гардидааст. Дар ин бора ба АМИТ «Ховар» аз маркази матбуоти Вазорати фарҳанг хабар доданд.
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
Имрӯз дар шаҳри Душанбе ҳаво то 28 дараҷа гарм мешавад
Дар Душанбе маркази муосири телефонҳои мобилӣ ва фурӯши чиптаҳои ҳавопаймоии «Real Phone» ифтитоҳ гардид
