ВОРИДОТИ ЁРИИ БАШАРДӮСТОНА

Душанбе, 14 май. (АМИТ «Ховар», Лаззат Диловарзод).-  Бино ба маълумоти Агентии омори назди Президенти Ҷумҳурии Тоҷикистон, дар моҳҳои январ – марти соли 2010 ба Ҷумҳурии Тоҷикистон аз 32 мамлакати хориҷи дурру наздик  ба маблағи 26 млн. 735 ҳазордоллари амрикоӣ ё ба микдори 4630 тонна ёрии башардӯстона, аз қабили равғани растанӣ (1550 тонна) ба маблаги умумии 4 млн. 184 ҳазор доллар, 63 тонна гандум ба маблағи 417 ҳазор доллар,  ба маблағи  15015 ҳазор доллар доруворӣ, ҳамчунин маҳсулоти озуқа, кӯрпаю болишт, дастгоҳҳои тиббӣ, асбобҳои маишии электронӣ, компютерҳо ва қисмҳои эхтиётӣ барои онҳо ворид гардидааст. Таносуби бештар аз рӯи арзиши ёрии башардӯстона ба ИМА- 52,4 фоиз, Корея – 8,3, Олмон- 3,7, Малайзия – 2,9 ва Нидерландия – 2,2 фоиз рост меояд. Аз Иттиҳоди Давлатҳои Мустақил бошад аз ҳама бештар Ҷумҳурии Қазоқистон ба андозаи 19,6 фоиз, Русия -1,7,ва Ҷумҳурии Туркманистон ба андозаи 0,5 фоиз ба Тоҷикистон кӯмаки башардустона расонидаанд.