ҶАШНВОРАИ «ДӮСТИИ ХАЛҚҲОИ ИДМ ВА МИНТАҚАҲОИ РУСИЯ»
Душанбе, 22 июн. (АМИТ «Ховар», Кристин Эрлих). — Тӯли моҳҳои охир дар Маскав ва минтақаҳои дигари Русия бо иштироки ҷамъиятҳои миллӣ ҷамъомадҳои гуногуни фарҳангии оммавӣ баргузор гардиданд. Иттифоқи тоҷикистониёни Русия аз моҳи май сар карда, чандин ҷамъомадҳои фарҳангии оммавӣ ташкил намуд. Намоиши барномаи консертии ҳунарпешагони тоҷик дар «Останкино», таҷлили иди Наврӯз дар 12 минтақаи Русия ва Рӯзҳои фарҳанги Тоҷикистон» аз ҳамин ҷумлаанд. 19 июн дар Қасри фарҳанги Донишкадаи иқтисоди олии шаҳри Маскав ҷашнвораи «Дӯстии халқҳои ИДМ ва минтақаҳои Русия» баргузор гардид. Дар ҷашнвораи мазкур Иттифоқи тоҷикистониёни Русия низ иштирок дошт. Намояндагони Тоҷикистон Шаҳбоз Сияров ва Каримҷон Ёров ба меҳмонон дар бораи асбоби мусиқии миллии тоҷикон маълумот доданд. Дилангез Маннонова ва Танноза Қароева дар бораи таърихи либоси тоҷикӣ сухан ронданд. Фирдавс Саломов ва Вайсиддин Одинаев хусусиятҳои хоси таоми миллии тоҷикиро баён намуданд. Барномаи консертии ҷашнвора суруду рақсҳои тоҷикию русӣ, доғистонию гурҷӣ, чеченӣ ва ғайраро дар бар мегирифт. Тамошобинон ба ҳунарнамоии рақоссаҳои тоҷик Манижа Бӯйдоқова ва Дилангез Давлатбекова борҳо кафкӯбӣ намуданд. Гурӯҳи ҳунарии «Фирӯз», ки аз Душанбе омадааст, хотири ҷамъомадагонро бо суруду рақсҳои дилнавози тоҷикӣ шод гардонид.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
