ҶУМҲУРИИ ҲИНДУСТОН ҲАМКОРӢ КАРДАН МЕХОҲАД

Душанбе, 21 июн. (АМИТ «Ховар», Лаззат Диловарзод).- Ба даст овардани мустақилият Ҷумҳурии Тоҷикистонро ба оламиён муаррифӣ намуд. Имрӯз даҳҳо давлатҳо мехоҳанд дар соҳаҳои  мухталиф бо Тоҷикистон ҳамкориҳо дошта бошанд. Боиси тазаккур аст, ки   давлати    Ҳиндустон  барин чун як давлати аз ҷиҳати кишоварзӣ тараққикарда,  дар сатҳи давлатӣ    хоҳиши бо кишоварзони Тоҷикистон ҳамкориҳояшро  амалӣ кардан дорад. Тибқи шартномаҳои байнидавлатӣ, вазири кишоварзии Панҷоби Ҳиндустон Сардор Сунча Сингх ҳини вохӯрӣ бо вазири кишоварзии Тоҷикистон Қосим Қосимов иброз дошт, ки бо вуҷуди 1,5 фоизи масоҳати Ҳиндустонро ташкил додани вилояти Панҷоб ҳамасола 65 фоизи умумии истеҳсоли ғалладона ва 45 фоизи шолиро дар ин давлати сераҳолитарини дунё (баъди Чин), дар вилояти Панҷоб истеҳсол мекунанд. Аз ин рӯ вазири кишоварзии Панҷоб Сардор Сунча Сингх хоҳиши дар заминҳои Тоҷикистон гузаронидани чунин таҷрибаро дар ҳамкорӣ бо хоҷагиҳои деҳқонӣ (фермерӣ) дорад. Бо ин мақсад аз Ҳукумати Тоҷикистон  ҳоҳиши 20 ҳазор гектар заминро барои киштукор тақозо кардааст. Вазири кишоварзии Тоҷикистон баҳри ҳамкориҳои самаранок ташкил кардани  намояндагии вилояти Панҷобро дар Тоҷикистон пешниҳод намудааст.