БОРИ КАҶ БА МАНЗИЛ НАМЕРАСАД

Душанбе, 15 июн. (АМИТ «Ховар», Жасмин Назарова). – 14 июни соли равон дар вақти гузарондани чораҳои фаврӣ-ҷустуҷӯӣ аз ҷониби кормандони шӯъбаи корҳои дохилии 2-и ноҳияи Сино, шаҳрванд Абдуҳамид Каримови 50 — сола, истиқоматкунандаи пойтахт, дастгир карда шуд. Тавре ба хабарнигори АМИТ «Ховар» аз дафтари матбуоти Вазорати корҳои дохилии ҶТ иттилоъ доданд, ҳангоми кофтукови шахсӣ   аз борхалтаи А. Каримов 2 кг 764 гр маводи сахттаъсири героин дарёфт ва мусодира карда шуд. Инчунин дар вақти гузарондани чораҳои фаврӣ-ҷустуҷӯӣ аз ҷониби кормандони шӯъбаи корҳои дохилии ноҳияи Фирдавсӣ шаҳрванд Давлатбек Қурбонови 33 — сола, истиқоматкунандаи шаҳри Ваҳдат, пеш бо моддаи 228 КҶ ФР доғи судӣ дошт, дастгир карда шуд. Ҳангоми кофтукови шахси аз борхалтаи ӯ 1 кг 750 гр маводи нашъадори ҳашиш дарёфт ва мусодира карда шуд. Нисбати ин шахсони номбурда парвандаи ҷиноӣ оғоз шуда, тафтишот идома дорад.