ИҶРОИ БАРНОМАИ БОҒДОРӢ ДАР ҶУМҲУРӢ
Душанбе, 21 июн. (АМИТ «Ховар», Лаззат Диловарзод).- Тибқи маълумоти фаврии Раёсати растанипарварии Вазорати кишоварзӣ, то 18 –уми июни соли ҷорӣ дар шаҳру навоҳии ҷумҳурӣ дар масоҳати 13 ҳазору 231 гектар боғ бунёд карда шудааст, ки 109,5 фоизи дурнаморо ташкил медиҳад. Бо сабаби зиёд гардидани талаботи бозори ҷаҳонӣ ба зардолуи аз ҷиҳати экологӣ тозаи Ҷумҳурии Тоҷикистон ҳамасола масоҳати боғҳои зардолу васеъ карда мешавад. Айни замон масоҳати зардолубоғҳои Тоҷикистон ба 6 ҳазору 415, 9 гектар расонида шудааст, ки ин баробари 139 фоизи нақша мебошад. Солҳои охир талабот ба ангури Тоҷикистон ҳамчунин меафзояд. Ин аст, ки ангурпарварони ҷумҳурӣ масоҳати ангурзорро ба 1 ҳазору 473 гектар расонидаанд, ки 92,4 фоизи бунёди ангурбоғҳоро ташкил дода, дар амалӣ гардидани Фармони Президенти Ҷумҳурии Тоҷикистон «Дар бораи тадбирҳои иловагӣ оид ба рушди боғу токпарварӣ дар ҶТ барои солҳои 2010 — 2014» мусоидат мекунад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






