ИФТИТОҲИ БИНОИ ҶАШНИИ АМОНАТБОНК ДАР НОХИЯИ РОШТҚАЛЪА
Душанбе, 29 июн. (АМИТ «Ховар», Покиза Маҳмадбекова). — Дар маркази ноҳияи Роштқалъаи ВМКБ бинои нави Шӯъбаи №78-и Бонки давлатии амонатгузории Ҷумхурии Тоҷикистон «Амонатбонк» кушода шуд. Маросими кушодашави дар доираи чорабиниҳои таҷлили ҷашни Вахдат миллӣ ва ташрифи Президенти Ҷумхурии Тоҷикистон Эмомали Раҳмон ба навоҳии ВМКБ сурат гирифт. Президенти ҷумҳурӣ ба кормандон ва мутахассисони бонки мазкур, ҷиҳати дар сатҳи баланд ба роҳ мондани фаъолияти бонки дастуру супоришҳо дод. Дар чорабинӣ Раиси Вилояти Мухтори Кӯҳистони Бадахшон Қодири Қосим, Раиси Раёсати БДА ҶТ «Амонатбонк» Гулнора Кенҷаевна ва дигар шахсони расмӣ ширкат доштанд. Бинои бонк аз даҳ ҳуҷраи корӣ, толори амалиётӣ ва дигар утоқҳои хизматрасон иборат буда, бо технологияи нави муосир муҷчаҳаз гардонида шудааст. Сохтмон ва муҷҷаҳазонидани бино аз ҳисоби маблағҳои худи бонк амалӣ шуда, 1 миллиону 150 ҳазор сомониро ташкил медиҳад. Дар Шуъба 21 нафар кормандон ва мутахассисон фаъолият намуда, тамоми деҳоти ноҳияи мазкурро бо хизматрасониҳои бонкӣ аз қабили пардохти нафақа, қабули маблағҳои коммуналӣ, қабули пасандозҳои ахолӣ, пешниҳоди қарзҳо, хизматрасонии буҷа ва ғайрахо, фаро мегирад.








Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст






