ИСТЕҲСОЛИ МАҲСУЛОТИ САНОАТИ САБУК ВА ОЗУҚАВОРӢ

Душанбе, 2 июн. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҷумҳурӣ, дар чор моҳи аввали соли ҷорӣ ҳаҷми истеҳсоли маҳсулоти саноати сабук 184,4 млн. сомониро ташкил дод, ки нисбат ба ҳамин давраи соли 2009 2,8 фоиз кам аст. Аз 149 корхонаи соҳа 51 фоизашон истеҳсолро нисбат ба сатҳи моҳҳои январ – апрели соли гузашта зиёд намудаанд. Дар саноати озуқаворӣ бошад, ҳаҷми истеҳсоли  маҳсулот ба 563,7 млн. сомонӣ расонида шудааст, ки нисбат ба ҳамин давраи соли гузашта 6,8 фоиз зиёд аст. Тибқи маълумоти ҳамин манба, аз 273 корхонаи  соҳа 45, 4 фоизашон нисбат ба ҳамин давраи соли гузашта бештар  маҳсулот истеҳсол намуданд.