О.ОҚИЛОВ:ҲАМОҲАНГСОЗИИ КОРИ МАҚОМОТИ АНДОЗ-ОМИЛИ АСЛИИ ФАЪОЛИЯТИ СОЗМОНҲО
Душанбе, 3 июн. (АМИТ «Ховар», Бекназари Абубакр). -Имрўз дар шаҳри Душанбе ҷаласаи 17-уми Шўрои ҳамоҳангсозии роҳбарони мақомоти андози ҷумҳуриҳои узви Иттиҳоди Давлатҳои Мустақил ва ҷаласаи 25-уми Шўрои роҳбарони мақомоти андози кишварҳои узви Иттиҳоди иқтисодии ЕврАзия баргузор гардид. Дар ифттитоҳи кори ҷаласаи аввал Сарвазири мамлакат Оқил Оқилов иштирок ва сўханронӣ карда, аз номи Ҳукумати ҷумҳурӣ роҳбарони ҳайатҳои меҳмононро ба Тоҷикистон хайрамақдам гуфт. Оқил Оқилов дар сўханронии худ ба нақши мақомоти андоз дар раванди густариши ҳамгироӣ ва рушди устувори иқтисодиёти давлатҳои узви иттиҳодҳои мазкур баҳои баланд дода, изҳор дошт, ки ҳамбастагию ҳамоҳангсозии кори мақомоти андоз метавонад омили асосии пешбаранда ва нуфузбахшандаи фаъолияти созмону ташктлотҳои бузург, бахусус ИДМ ва Иттиҳоди иқтисодии ЕврАзия гардад. Сипас, роҳбарони ҳайатҳои иштирокчии ҷаласаи 17-уми Шўрои ҳамоҳангсозии роҳбарони мақомоти андози ҷумҳуриҳои узви ИДМ ва ҷаласаи 25-уми Шўрои роҳбарони мақомоти андози кишварҳои узви Иттиҳоди иқтисодии ЕврАзия сўханронӣ карда масъалаҳои рўзномаи кории ҷаласаҳоро мавриди муҳокимаю баррасӣ қарор доданд. Дар ин маҷлисҳо масъалаҳои марбут ба иҷрои қарорҳои қаблан қабулгардида муҳокима шуда, таҳлили натиҷаҳои фаъолияти муассисаҳои андоз, дастраси ҳамдигар гардонидани таҷрибаҳои муфид, усулҳои сабти номи андоздиҳандагон, афзун гардонидани масъулияти Шӯрои роҳбарони мақомоти андоз, таҳлили тадбирҳои назоратӣ нисбати субъектҳои соҳибкории хурд, муҳокимаи нақшаи фаъолияти Шӯрои роҳбарони муассисаҳои андози Иттиҳоди иқтисодии ЕврАзия дар соли 2010 ва ғайра таҳлилу баррасӣ шуд. Иштирокчиёни ҷаласа дар хотимаи кори он оид ба нақшаҳо ва фаъолияти минбаъдаи мақомоти андоз дар доираи узвият ба ИДМ ва Иттиҳоди иқтисодии ЕврАзия қарорҳои дахлдор қабул намуда, бо натиҷаҳои қаноатбахш кори ҷаласаҳоро анҷом бахшиданд.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
