ҒАСБИ ҒАЙРИҚОНУНИИ ЗАМИН ДАР ХОВАЛИНГ

Қурғонтеппа, 14 июл. (АМИТ «Ховар»,  Мурод Сотиев).-Аз тарафи  Прокуратураи ноҳияи  Ховалинги  вилояти Хатлон  нисбат ба сардухтури  дармонгоҳи  маҳаллии  ҷамоати «Шугнов»-и  ноҳияи мазкур  Фақир Зайфуллоев  парвандаи ҷиноятӣ   кушода шуд. Тавре муфаттиши  прокуратураи  ноҳияи Ховалинг  Абдуғанӣ Қараев ба мухбири АМИТ «Ховар» хабар дод, аз ваколати хизматии худ истифода бурда, Ф.Зайфуллоев 0,7  гектар қитъаи  заминро ба ҳудуди  беморхонаи маҳаллӣ дохил намуд. Тибқи маълумоти  муфаттишон дар кирдорҳои Ф.Зайфуллоев  вайронкунии  қонуни  заминистифодабарӣ дида мешавад. Айни замон аз рӯи далелҳои мавҷуда  нисбат ба Ф.Зайфуллоев парвандаи ҷиноятӣ кушода шуда ,тафтиш идома дорад,-«зикр намуд муфаттиши  Прокуратура. Тибқи маълумоте , ки  аз Прокуратура дастрас намудем , тӯли солҳои 2008-2009 дар ноҳияи  Ховалинг  ҳамагӣ  12 парвандаи  ҷиноятии характери коррупсионӣ дошта кушода шудааст.