ҶАЛАСА ДАР ҲУЗУРИ ПРЕЗИДЕНТ
Имрўз 3 июли соли 2010 Президенти Ҷумҳурии Тоҷикистон Эмомалӣ Раҳмон бо масъулини ҳукумати мамлакат, Дастгоҳи иҷроияи Сарвари давлат ва роҳбарони вазорату идораҳои дахлдор оид ба натиҷаҳои иҷрои буҷети давлатӣ дар нимсолаи якум ва нақшаҳои минбаъда дар ин самт машварат орост. Оид ба натиҷаҳои иҷрои буҷет дар шаш моҳи соли равон гузориши Вазири молия ва роҳбарони дигар сохторҳои масъул шунида шуд. Сарвари давлат Эмомалӣ Раҳмон дастур дод, ки барои таъмини пурра ва саривақтии даромадҳо ба буҷети давлатӣ дар муддати 15 рўзи оянда нақшаи чорабиниҳо таҳия ва пешниҳод карда шавад ва дар семоҳаи сеюми соли равон баҳри бартараф намудани қафомонии мавҷуда тадбирҳои судбахш амалӣ гарданд. Ҳамчунин супориш дода шуд, ки баҳри ошкор кардани пинҳонсозии даромадҳо аз андозсупорӣ, пешгирии саркашӣ аз супурдани андозҳо ва сарфакорона истифода бурдани маблаѓҳои буҷетӣ чораҳои муассир амалӣ карда шаванд. Сарвари давлат Эмомалӣ Раҳмон ҳамчунин таъкид намуд, ки маошу нафақа дар соҳаҳои иҷтимоӣ саривақт ва пурра пардохт карда шаванд. Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
