ҶАМЪОМАДИ СУДМАНД
Шаҳринав, 6 июл. (АМИТ ”Ховар”, Ҳотам Рабиев).- Дар ноҳияи Шаҳринав семинари минтақавӣ дар мавзўи: ‘’Ба роҳ мондани тарзу услуби замонавии фаъолияти ҳизбӣ дар асоси санадҳои ҳуқуқӣ” баргузор гардид. Дар ҷамъомад кормандони Ҳизби Халқии Демократии Тоҷикистон аз шаҳру ноҳияҳои тобеи ҷумҳурӣ ширкат доштанд. Раиси ноҳияи Шаҳринав, аъзои Раёсати КИ ҲХДТ дар ноҳияи Шаҳринав Раҳматуллои Пӯлод семинарро ҳусни оғоз бахшида, сухани ифтитоҳӣ намуд. Сипас, муовини якуми раиси ҲХДТ Сафар Сафаров дар мавзӯи “Рушди фаъолияти ташкилотҳои ҳизбӣ, омили асосии таҳкими мавқеъ ва нуфузи ҲХДТ дар ҷомеа” маърӯза намуд. Муовини Раиси Ҳизби Халқии Демократии Тоҷикистон Асрор Латифов “Оид ба фаолияти кумитаҳои иҷроияи Ҳизби Халқии Демократии Тоҷикистон дар шаҳру ноҳияҳои ҷумҳурӣ” гузориш дод. Баъдан ширкаткунандагони семинар ба машғулиятҳои амалӣ дар мавзӯи “Оинномаи ҲХДТ ва тағйироту иловаҳои он” шурӯъ намуда, дар бахшҳои алоҳида мавзӯи мазкурро мавриди баррасӣ қарор доданд. Дар ҷараёни семинар ширкаткунандагони он ба фаъолияти ташкилотҳои ибтидоии ҲХДТ дар ноҳияи Шаҳринав ошно гардиданд. Семинари мазкур баҳри сайқал ёфтани донишу малакаи кормандони ҲХДТ ва инкишофи маҳорати касбии онҳо мусоидат намуд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






