160 000 СОМОНӢ КӮМАКИ ЭРОН БА ТОҶИКИСТОН
Душанбе, 7 июл.(АМИТ «Ховар», Марзия Саидова).- Намояндагии Кумитаи байналмилалии имдоди имом Хумайнии Эрон дар Ҷумҳурии Тоҷикистон ба зарардидагони шаҳри Кӯлоб ба маблағи беш аз 160 ҳазор сомонӣ кӯмак расонд. Кӯмаки мазкур асосан аз маводи хӯрока, маводи шустушӯӣ, либосу пойафзол барои кӯдакон ва кампал иборат буда, он тавассути кормандони Кумита дар ҳамкорӣ бо Мақомоти иҷроияи ҳокимияти давлатии шаҳри Кӯлоб ба зарардидагон дастрас гардид. Раиси намояндагии Кумитаи мазкур дар Тоҷикистон Сайидҷаводи Разавӣ ба хабарнигори АМИТ «Ховар» иттилоъ дод, ки кӯмакҳо дар асоси омӯзиши вазъи рӯзгори зарардидагон ва эҳтиёҷи онҳо ба маводи ғизоӣ ва либосу пойафзол расонида шуд.