ДОНИШҶӮЁНИ ТОҶИК НБО – И КАЛОНТАРИНИ ЧИНРО ТАМОШО КАРДАНД

Душанбе, 7 июл. (АМИТ «Ховар»). —  Донишҷӯёни тоҷик  Шедфар  Лиқоев  ва  Накҳат  Назриева,  ки  дар  Донишгоҳи  давлатии  Пекин  таҳсил  мекунанд,  дар  озмуни  донандагони  беҳтарини  муносибатҳои  Тоҷикистону  Чин  ғолиб  омаданд.  Озмун  бо ташаббуси  сафоратхонаи  Тоҷикистон  дар  Чин  баргузор  гардид. Аз  сафоратхонаи  Тоҷикистон  дар  Пекин  ба  АМИТ «Ховар»  хабар  доданд, ки  ғолибони озмун  нерӯгоҳи дар  миқёси  ҷаҳон  калонтарини  Чин —  НБО «Седара» — ро  тамошо  карданд, ки  он дар  шаҳри Ичан  сохта шудааст. Ш.Лиқоев  таассуроташро   аз  тамошои  нерӯгоҳ  баён  карда, зикр  намуд, ки  Президенти  Тоҷикистон  Эмомалӣ  Раҳмон  моҳи  январи  соли  2007  ба  ин  ҷо ташриф оварда буд.  Нерӯгоҳи  барқи обии  «Седара» баъди  бо  иқтидори  пурра  ба  кор  даромадан  дар  як  сол  84,68  миллиард  киловатт —  соат  қувваи барқ  истеҳсол  хоҳад  кард. Бояд  гуфт, ки  гузарондани  озмунҳо  дар байни  донишҷӯёни тоҷик дар  Пекин  ба  ҳукми  анъана  даромадааст.  Соли  2009 чунин як  озмун  ба  мавзӯи  об  ва  гидроэнергетика  бахшида шуда буд.