ТО ҲАНӮЗ АНДОЗСУПОРАНДАГОН БА ПИНҲОНКУНИИ АНДОЗҲО РОҲ МЕДИҲАНД
Душанбе, 26 июл. (АМИТ «Ховар», Дилшодаи Ҷонмард).- 26 июл дар маҷлисгоҳи Кумитаи андози назди Ҳукумати ҷумҳурии Тоҷикистон натиҷаҳои фаъолияти кумита дар нимсолаи аввали соли равон ҷамъбаст карда шуд. Раиси Кумита Нусратулло Давлатов иброз дошт, ки «Дар нимсолаи аввали соли 2010 нақшаи ҷамъоварии андозҳо ва дигар пардохтҳои ҳатмӣ ба андозаи 106.0% иҷро гардида, ба ҷойи 1252.0 млн. сомонии пешбинишуда ба буҷет 1327,0 млн. сомонӣ ворид гардид, ки ин нисбат ба нақша 75,0 млн. сомонӣ зиёд аст. Воридоти маблағҳо нисбат ба ҳамин давраи соли гузашта афзуда ба 298,0 млн. сомонӣ расид». Дар баробари пешравиҳо дар ин соҳа камбудиҳо низ ба чашм мерасанд. Дар шаш моҳи соли ҷорӣ бо риояи муқаррароти Қонуни ҶТ «Дар бораи боздоштани санҷишҳои фаъолияти субъектҳои соҳибкории хурду миёна дар ҶТ» аз ҷониби кормандони мақомоти андоз тибқи нақшаи тасдиқшуда дар фаъолияти 922 нафар андозсупоранда санҷиши риояи қонунгузории андоз гузаронида шуд. Таҳлил ва омӯзиши санадҳои санҷиши андоз нишон медиҳанд, ки то ҳанӯз андозсупорандагон дидаву дониста ба пинҳонкунии андозҳо роҳ медиҳанд». Кормандони мақомоти андоз ният доранд, ки минбаъд ҳам самаранок ва ташаббускорона фаъолият намуда, нишондиҳандаҳои Қонуни ҶТ «Дар бораи Буҷети давлатии ҶТ барои соли 2010» ва вазифаҳои дигари ба зимма гирифтаашонро пурра иҷро кунанд, гуфт дар охир раиси Кумитаи андоз Н.Давлатов.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






