ҶАМЪОВАРИИ ҲОСИЛИ ҒАЛЛАДОНА

Душанбе, 18 август.(АМИТ «Ховар», Дилшодаи Ҷонмард). — Тибқи маълумоти фаврии Раёсати растанипарварии вазорати кишоварзӣ соли ҷорӣ дар ҷумҳурӣ майдони киштшудаи ғалладонагӣ ва лўбиёгиҳо ҳамагӣ 333 ҳазору 100 гектар буда, то имрӯз майдони 260684 (78,3%) гектари он дарав шудааст. Аз ин миқдор 251878 гектари он кўфта шудааст, ки нисбат ба ҳамин давраи соли гузашта  16957 гектар зиёд мебошад. Ҳосили умумӣ айни ҳол 560995 тоннаро ташкил медиҳад, ки нисбат ба соли сипаригардида 34726 тонна камтар аст. Ҳосилнокӣ аз як гектар 22,3 сентнериро ташкил медиҳад. Миқдори умумии комбайнҳои ғалладарав дар ин мавсим ҳамагӣ 950 адад буда,  324 адади он машғули дарави ғалла мебошанд.