ДАР МОҲИ МУБОРАК БОЗ 1 ОИЛА СОҲИБИ ХОНАИ НАВ ШУД

Кӯлоб, 24 август. (АМИТ «Ховар»).- Дар моҳи шарифи Рамазон бо риояи яке аз фазилатҳои ин моҳи муборак, ки дастгирӣ намудани ниёзмандон аст, аз ҷониби мақомоти гуногуни кишвар ҳамарӯза  оилаҳои аз офати табиӣ зарардидаи шаҳри Кӯлоб бо хонаҳои нави истиқоматӣ таъмин мегарданд. Дар маҳалҳои бунёди манзилҳои нав   корҳои сохтмонӣ босуръат идома дорад. Баҳри иҷрои супориши  Президенти Ҷумҳурии Тоҷикистон оид ба таъмин намудани аҳолии  зарардидаи шаҳри Кӯлоб бо манзили зист,  Саридораи  геологияи  назди  Ҳукумати Ҷумҳурии Тоҷикистон хонаи  истиқоматии 4- ҳуҷрагии  дорои тамоми ҷиҳози рӯзгор ва бо сифати баланд бунёд гардидаро рӯзи 20 августи соли  ҷорӣ  ба соҳибаш тақдим намуд.