САФИРИ НАВИ ҲИНДУСТОН ДАР ТОҶИКИСТОН

Душанбе, 13 август. (АМИТ «Ховар», Пайрав Назаров). –12 августи соли ҷорӣ Вазири корҳои хориҷии ҶТ Ҳамрохон Зарифӣ Сафири нави фавқулодда ва мухтори Ҷумхурии Ҳиндустон дар Ҷумҳурии Тоҷикистон Аситха Кумар Бхаттачарҷаро ба ҳузур пазируфт. Сафири фавқулодда ва мухтори Ҷумхурии Ҳиндустон дар Ҷумҳурии Тоҷикистон Аситха Кумар Бхаттачарҷи нусхаи эътиборномаи худро ба вазир супорид. Пас аз маросими супоридани эътиборнома сӯҳбат баргузор гардид, ки дар он роҳҳои инкишофи муносибатҳои барои ҳар ду ҷониб манфиатбахш баррасӣ гардид. Дар рафти сӯҳбат ҳамчунин зарурияти таҳкими муносибатҳои ҳар ду ҷониб таъкид гардид.