СОХТМОНИ 8 ХОНА ТО ҶАШНИ ИСТИҚЛОЛИЯТ
Файзобод,17 август.(АМИТ «Ховар»,Зебо Давлатова). — Аз моҳи май инҷониб мардуми саховатманди тоҷик ба аҳолии аз офати табиӣ зарардидаи минтақаи Кӯлоб ёрии беғаразонаи худро дареғ надошта ,кӯмаки ғизоию молиявӣ мерасонанд. Тавре муовини раиси ноҳияи Файзобод Шамсулло Абдуназаров ба хабарнигори АМИТ «Ховар» иттилоъ дод, бо дастгирии раиси ноҳия Абдулло Ҳакимов, сокинони шаҳраку деҳот ва ташкилоту муассисаҳои ноҳия барои сокинони аз офати табиӣ зарардидаи шаҳри Кӯлоб то ин муддат се хонаи истиқоматӣ сохта, ният доранд, ки ин хонаҳоро дар арафаи ҷашни 19-умин солгарди Истиқлолияти давлатӣ ба истифода диҳанд. Шамсулло Абдуназаров афзуд,ки соҳибкори ботаҷрибаи ноҳия Дӯстмурод Ҳакимов бо ҳамроҳии фарзандонаш то ҷашни Истиқлолияти давлатӣ боз 5 хонаи истиқоматии дигарро сохта ба истифода доданианд. Ӯ афзуд,ки ҳар як хонаи сохташаванда бо тамоми таҷҳизоти зарурии рӯзгор, аз қабили қолину кӯрпача,яхдон,телевизору ҷевон таъмин карда мешавад.
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Имрӯз дар баъзе минтақаҳои Тоҷикистон борон меборад
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
