«ТОҶИКСТАНДАРТ» АЗ САНҶИШ БА ТАБЛИҒ МЕГУЗАРАД

Душанбе. 11-уми август. (АМИТ «Ховар», Бекназари Абӯбакр). – Кормандони Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ҷиҳати боз ҳам хубтар ба танзим даровардани фаъолияти бозорҳо қабл аз оғози моҳи шарифи Рамазон дар ҳамаи бозорҳои ҷумҳурӣ санҷиш гузаронида, дар натиҷа қариб 400 тарозуро ғайристандартӣ дониста, аз фаъолият бароварданд. Дар ин бора ба АМИТ «Ховар» аз маркази матбуоти Агентии давлатии «Тоҷикстандарт» иттилоъ доданд. Роҳбарияти Агентии давлатии «Тоҷикстандарт» ба хотири ҳидояти соҳибкорону тоҷирон ба адлу инсоф ва саховатмандӣ, бо қарори махсус дар моҳи шарифи Рамазон гузаронидани санҷишҳои фаъолияти соҳибкорону корхонаҳоро манъ кард.