«ҚИЁМИ РӮЗ» ДАР ҶОПОН

Душанбе, 28 сентябр. (АМИТ «Ховар», Фарангис Раҳимова).- Тавре аз Сафорати Ҷумҳурии Тоҷикистон дар Ҷопон хабар доданд, шурўъ аз 17 то 26 сентябри соли 2010 дар шаҳри Фукуокаи кишвари Ҷопон фестивали байналмиллалии филмномаҳои бадеии Осиё баргузор гардид, ки дар он, ҳангоми интихоб намоиши 22 номгӯи филмҳои бадеии истеҳсоли мамолики гуногуни олам ба рўйхат ворид гардонида шуд. Дар ин миён, филми бадеии истеҳсоли Ҷумҳурии Тоҷикистон «Қиёми рўз», ки коргардони он Носир Саидов мебошад, тӯли се рўз ба намоиш гузошта шуда, сазовори баҳои баланди Фестивал гардид ва онро дар қатори дигар тамошобинони Ҷопон донишҷўёни тоҷики шаҳрҳои ин кишвар низ тамошо карданд. Мақсади фестивали мазкур, ки аз соли 1991 то инҷониб амал мекунад, ба ҷаҳониён бештар муаррифӣ намудани тарзи зиндагиву рўзгори мардуми Осиё, инчунин, кашфи истеъдодҳои ҷавону нишон додани муваффақияти кори онҳо мебошад.