ҶОПОН ВА СЕМИНАРИ ОМӮЗИШӢ

Файзобод,24 сентябр. (АМИТ «Ховар», Зебо Давлатова).—Дар  маҷлисгоҳи мақомоти иҷроияи ноҳияи Файзобод семинари Ассотсиатсияи миллии  хоҷагиҳои дехқонӣ оид ба лоиҳаи «Беҳтар намудани хизматрасонӣ,дониш ва таҷриба дар соҳаи кишоварзӣ дар Тоҷикистон » баргузор гардид. Дар семинар олимону мутахассисони соҳаи кишоварзӣ ба иштирокчиёни машварат оид ба парвариши картошка,гандум,ҷав ва дигар зироат маълумоти саҳеҳ доданд. Семинари мазкур бо дастгирии Ҳукумати   Ҷопон бо роҳбарии Такеши Абе ташкил шуда, фаъолияти худро дар ҷумҳурии мо аз моҳи марти  соли ҷорӣ  бо дастгирии Ҳукумати Ҷумҳурии Тоҷикистон оғоз намудааст. Дар кори семинар раиси Ассотсиатсияи миллии хоҷагиҳои деҳқонии ҷумҳурӣ Азизбек Шарипов,ёвари ҳамоҳангсози барномаи мазкур Тӯрақул Муродов, раиси ноҳияи Файзобод Абдулло Ҳакимов ва дигар шахсони масъул иштирок намуданд.