29 МУЗОЯДА ДАР 8 МОҲ

   Душанбе, 27 сентябр. (АМИТ «Ховар», Лаззат Диловарзод).- Тибқи қарори Кумитаи давлатии сармоягузорӣ ва идораи амволи давлатӣ, дар 8 моҳи соли ҷорӣ 29 музояда таъин гардид,- гуфт директори  Корхонаи воҳиди давлатии оид ба ташкили фурӯши амволи давлатӣ Умарҷон Зарипов ба мухбири АМИТ «Ховар».    Ба гуфти Умарҷон Зарипов, дар ин муддат- (8 моҳи соли ҷорӣ), аз ҷумла: 4 музояда оид ба фурӯши саҳмияҳои давлатии ҷамъиятҳои саҳҳомӣ, 4 музояда  оид ба фурӯши амвлои ҳабсгардида, 7 музоядаи фурӯши иншооти ғайриманқул ва 14 музояда оид ба фурӯши воситаҳои нақлиёт баргузор гардид, ки ҳамаи он тавассути ахбори умум пешкаши аҳолӣ гардонида шуда буд.    Дар давоми 8 моҳи соли 2010 танҳо дар 4 музоядаи аз фурӯши саҳмияҳои ба давлат тааллуқдоштаи ҷамъиятҳои саҳҳомӣ 19 млн. 716 ҳазору 283 сомонӣ ба буҷа ворид карда шудааст.