АВЗОИ САРҲАДИ ТОҶИКИСТОНУ ҚИРҒИЗИСТОН

Душанбе, 13 сентябр. (АМИТ «Ховар», Лутфия Эшонқулова). – Мақолаи Асадулло Восиев бо номи «Ҷанг дар Қарамазор. Сарҳадбонони қирғиз се нафар ҳампешаи худро паррониданд», ки 9-уми сентябри соли ҷорӣ дар сомонаи «Сентразия. ру» нашр гардид, ба ҳақиқат наздик нест. Дар ин бора ба АМИТ «Ховар» аз маркази матбуоти сарраёсати қушӯнҳои сарҳадии КДАМ ҶТ хабар доданд. Сарчашма, ҳамчунин, овозаҳоро дар мавриди ноором будани вазъияти сарҳади Тоҷикистону Қирғизистон рад намуда, гуфт, ки айни замон вазъият дар ин минтақаи сарҳадӣ ором аст. Дар рафти хизмати сарҳадӣ далелҳои убури ғайриқонунии сарҳад, сарҳадшиканӣ  ва дигар амалҳои ғайриқонунӣ ба қайд гирифта нашудаанд.