АЗМИ ҲУНАРМАНДОНИ ТЕАТР

        Душанбе, 16 сентябр. (АМИТ «Ховар», Дилшодаи Ҷонмард).-Аз 10 то 19 сентябри соли равон ҳунармандони Театри академии опера ва балети ба номи Садриддин Айнӣ дар вилояти Суғд сафари ҳунарӣ доранд.         Онҳо ба тамошобинон се намоишномаро аз рӯи асарҳои Фаттоҳ Одинаев, Дамир Дӯстмуҳаммадов ва Геннадий Гладков намоиш медиҳанд. Ба ғайр аз ин дар барномаи ҳунарии театр консертҳои оркестри вокалӣ — симфонӣ дохил карда шудаанд.         Тавре  директори   театри мазкур Холаҳмад Маҷидов  ба хабарнигори АМИТ «Ховар» иттилоъ дод, маросими ифтитоҳи ботантанаи чорабинӣ дар Театри мусиқӣ — мазҳакавии ба номи Камоли Хуҷандӣ  баргузор мегардад.          Консертҳо бошанд дар шаҳрҳои Исфара ва Қайроққум гузаронида мешаванд. Дар қисмати опера операсарои маъруф Рустам  Дуллоев ҳунарнамоӣ мекунад, ки айни замон дар Итолиё зиндагӣ дорад.