БАРӮЙХАТГИРИИ АҲОЛӢ

Бадахшон, 6 сентябр. ( АМИТ «ХОВАР», Л. Додо). — Мутобиқи қонуни Ҷумҳурии Тоҷикистон «Дар бораи  барӯйхатгирии аҳолӣ» ба хотири ба даст овардани  маълумот доир ба  шумора, ҷойгиршавии аҳолӣ дар қаламрави ҷумҳурӣ, муайян намудани барномаи рушди иҷтимоию иқтисодӣ» Ҳукумати Ҷумҳурӣ аз 1-уми августи соли  2010 барнома   қабул намуд. Тавре мудири шӯъбаи  омори мақомоти  маҳаллии ҳокимияти  давлатии шаҳри Хорӯғ Вафоназар Давлатназаров иттилоъ дод, дар ин давра хонаҳои истиқоматӣ, биноҳои маъмурию маишӣ,кӯчаю хиёбонҳои шаҳр  сабти ном шуданд. Марзи байни маҳаллаҳо муайян ва харитаи шаҳр  тарҳрезӣ гардид.Дар кулли хонаҳои  истиқоматӣ ва кӯчаву хиёбонҳо  ном ва рақам насб карда шуд.Хуллас, шаҳри Хорӯғ ба ин маърака комилан омода аст.