БАТАРЕЯҲОИ ОФТОБИИ МУРҒОБ

Бадахшон, 30 сентябр. (АМИТ «Ховар», Л.Додо).-Оби рӯдхонаи Оқсу одатан дар фасли зимистон  ях мебандад ва аз ин  сабаб нерӯгоҳи барқии ноҳияи Мурғоб баъзан аз кор мемонад. Дар ин ҳолат мардум муваққатан рӯй ба шамъу чароғҳо  меоранд. Вале  196 оилаи  камбизоати ин ноҳия  дар фасли зимистони имсола аз ин ташвиш халосанд, зеро  тобистони соли ҷорӣ Президенти кишвар ба ин   оилаҳо батареяҳои офтобӣ тақдим намуд.   Бояд гуфт,ки ин батареяҳо ба ҷуз аз  равшанӣ бахшидан ба хонаҳо, боз  қудрати ба кор даровардани  телевизор  ва радиоро низ доранд.