БИОХИМИЯ СОҲАИ ЗАРУРӢ

Душанбе,  23  сентябр. ( «АМИТ  Ховар» , Сангзода  Муслиҳиддин)—    Бахшида  ба  Соли  маориф  ва фарҳанги  техникӣ   соли  ҷорӣ   китоби нави  таълимии  «Биохимияи  растаниҳо» ,  ки  ба  қалами  профессорон  М .М . Ёқубова  ва  З. М.  Ҳамробоева  тааллуқ дорад,   бо  кӯмаки   профессорон    Г. Раҳмихудоев  ва  Т. Ҷ .  Ғиёсов  аз  ҷониби  матбааи    «Хирад» нашр гардид.  Китоби  мазкур  оид ба   дастовардҳои  муосири  илмӣ,  дар  бораи   хусусият  ва  мубодилаи   моддаҳои   асосии  растанӣ ,  миқдори   онҳо  дар  таркиби    растанӣ    ва  истифодаи  амалии   онҳо  маълумоти   умумӣ пешниҳод  менамояд. Муаллифон   аҳамияти  фанни биохимияро   дар   пешгуфтори  китоб чунин   зикр  намудаанд :  «Истифодабарии   биохимияи  растаниҳо  дар  соҳаҳои  кишоварзӣ :  растанипарварӣ  ва  селексия,  саноати хӯрокворӣ,   дорусозӣ  васеъ  ба роҳ  монда шудааст .  Биохимия  барои тамоми  соҳаҳои  саноат,  ки  ба  коркарди   ашёи  хоми  растанӣ  сарукор  доранд ,  зарур  аст». Бояд гуфт,ки китоби мазкур барои донишҷӯёни факултаи биология ва мутахассисони соҳаи мазкур равона гардидааст. .