ЧИН ҲОДИСАҲОИ ТАБИИРО ПЕШГИРӢ МЕНАМОЯД

 Душанбе, 21 сентябр. (АМИТ «Ховар», Лутфия Эшонқулова).- Мулоқоти раиси  Кумитаи ҳолатҳои фавқулодда ва мудофиаи шаҳрвандии ҶТ генерал-майор  Ҳабибулло Латипов  бо сафири нави Ҷумҳурии мардумии Чин дар Тоҷикистон Фан Сянжуа доир гардид. Тавре ба хабарнигори АМИТ «Ховар» аз маркази матбуоти Кумитаи ҳолатҳои фавқулодда ва мудофиаи шаҳрвандии ҶТ хабар доданд, ҷонибҳо масъалаҳо ва вазифаҳои муайянро барои пешгирии ҳодисаҳои табиӣ муҳокима намуданд.  Зимни мулоқот раиси Кумита қайд намуд, ки дар робита ба тағйирёбии иқлим ба амал омадани ҳодисаҳои нохуши табиӣ зиёд шудааст. Ба мо лозим аст, ки ҳамкориро барои коҳиш додан ва пешгирии ҳодисаҳои табиӣ мустаҳкам намоем.  Фан Сянжуа бо фаъолияти Кумитаи мазкур ошно гардида, бовар кунонид, ки «ҷониби Чин омода аст ҳамкории ҳамаҷонибаро бо мутахассисони Кумита барои пешгирии ҳодисаҳои табиӣ тибқи имкониятҳои мавҷуда ба роҳ монад»,-зикр намуд манбаъ.