ФАЪОЛИЯТИ «ТОҶИКСЕМЕНТ» МАҲДУД МЕШАВАД

    Душанбе, 29 сентябр. (АМИТ «Ховар», Кристина Эрлих). – ҶС «Ӯзтрансгаз» ҶС «Тоҷиктрансгаз»-ро огоҳ намуд, ки дар ҳолати напардохтани қарз аз рӯзи чоршанбе оғоз карда интиқоли гази табиӣ ба Тоҷикистон 50 % кам карда мешавад. Дар ин бора ба хабарнигори АМИТ «Ховар» аз ҶС «Тоҷиктрансгаз» хабар доданд. Манбаъ қайд намуд, ки айни замон интиқоли газ аз давлати ҳамсоя ҳамагӣ 12 ҳазор кубометрро дар як соат ташкил медиҳад. Аз онҳо 10 ҳазор кубометраш ба эҳтиёҷоти заводҳои сементбарорӣ ва истеҳсоли алюминий рост меояд.   «Қарзи интиқолдиҳандагони ӯзбек 1,8 миллион доллари ИМА-ро ташкил медиҳад. Агар интиқоли гази ӯзбекӣ  50% кам шавад, дар он ҳолат гази табиӣ танҳо ба заводи аюминий дода мешавад, ки дар натиҷа истеҳсолот дар муассисаи «Тоҷиксемент» манъ мегардад»,- афзуд манбаъ. Ҳамчунин, қайд гардид, ки содироти дохилии гази табиӣ 50 ҳазор кубометрро дар як шабонарӯз ташкил медиҳад, ки ин хеле кам буда, танҳо барои эҳтиёҷоти шаҳри Қурғонтеппа сарф мешавад.     Тибқи иттилои Агентӣ аз рӯи нишондодҳои омории Тоҷикистон, аз оғози соли ҷорӣ инҷониб воридоти гази табиӣ 121,5 миллион кубометр ба маблағи 28, 4 миллион долари ИМА-ро ташкил дод.