ГУСТАРИШИ ҲАМКОРИҲОИ БОНКИИ КИШВАРҲОИ СҲШ
Душанбе, 21 сентябр. (АМИТ «Ховар», Бекназари Абӯбакр). –Ҳафтаи аввали моҳи равон як гурӯҳ иборат аз роҳбарияту мутахассисони Бонки давлатии амонатгузории Ҷумҳурии Тоҷикистон «Амонатбонк» ва роҳбарони ширкатҳои тиҷоратии кишвар, ки бо сармоягузориҳои хориҷии тавассути «Амонатбонк» дастрасгардида фаъолият мекунанд, бо даъвати Бонки давлатии рушди Чин ба Ҷумҳурии мардумии Чин сафар намуданд. Мақсад аз сафари мазкур ширкат дар семинару чорабиниҳои гуногуни аз тарафи Вазорати тиҷорати ҶМЧ дар доираи Созмони Ҳамкориҳои Шанхай доир гардида, вусъати ҳамкориҳо бо доираҳои гуногуни тиҷоратию бонкдории ин кишвари ҳамсоя маҳсуб меёфт. Аз хадамоти иттилоот ва рекламаи «Амонатбонк» ба мухбири АМИТ «Ховар» иттилоъ доданд, ки дар чорабинии мазкур намояндагон аз тамоми мамолики аъзои СҲШ ширкат варзида, намояндагони Тоҷикистон дар як идда ҷамъомад ва чорабиниҳо вазъи иқтисодию молиявии Тоҷикистонро барои ҳозирин муаррифӣ намуданд. Намояндагони Бонки давлатии рушди Чин қаноатмандӣ ва идомаи самарабахши ҳамкориҳоро бо БДА ҶТ «Амонатбонк» дар самтҳои гуногун изҳор намуда, ширкати фаъоли онро ҳамчун намояндаи Ҷумҳурии Тоҷикистон дар созмони номбурда назаррас баҳогукзорӣ карданд. Гурӯҳи мазкур дар баробари ширкат дар чорабиниҳои номбурда, дар баргузории 19-умин Ярмаркаи байналмилалӣ дар шаҳри Урумчии ҶМЧ иштирок намуданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






