ХИСОРОТИ ЗАРАР БАРҚАРОР МЕШАВАД.

Бадахшон, 1 сентябр. ( АМИТ «Ховар»,Л. Додо). — Гурӯҳи корӣ  тањти сарпарастии раиси  ВМКБ, ки   дар ҳайати он намояндагони   ташкилотҳои  СММ ва  Бунёди  Оғохон  шомил буданд, аз водии  Бартанги ноҳияи Рӯшон, ки дар масофаи беш аз 200 км тӯл кашидааст, дидан намуданд. Боришоти рўзњои охир дар Бадахшон ба амал омада  ба соҳаҳои гуногуни хоҷагии  халқи  вилоят хисороти   зиёд расонид ва бисёр  мавзеъњои ин водиро  хароб гардонид. Бар асари валангор гардидани пули  мањаллї  боғу ҷамоатҳои деҳоти Савнобу Басид дар муҳосира монданд, зеро роҳи дигари аз ин ҷо баромадан набуд. Дар  деҳаи Басид 6 хона пурра   хароб гардид.                        Дар масофаи   сад км роҳи мошингард зери об  монд. Ба хотири барқароркунии оқибатњои офати табиӣ  тамоми  техникаи роҳсозии кормандони идорањои  роҳсозӣ ва  хоҷагии оби вилоят вориди водии Бартанг гардиданд то пулҳову роҳњои зарардидаро   таъмир намоянд. Айни замон  сокинони қарияњои Боғу ва Рид   бо хаймаҳои истиқоматӣ  таъмин гардидаанд. Тавре аз мақомоти  маҳаллии ҳокимияти давлатии вилоят хабар доданд, баробари  кушода шудани роҳ   12 тонна орд, 450 кг равған, 1273 кг чой  њамчун кўмаки аввалин  ба сокинони ин ноњияи зарардида расонида шуд.