НАШРИ КИТОБИ ТОҶИКӢ ДАР ӮЗБЕКИСТОН

    Душанбе, 4  сентябр. (АМИТ «Ховар», Дилшодаи Ҷонмард).- Нависанда ва рӯзноманигори тоҷикзабони муқими Ӯзбекистон Юнуси Имомназар китоби нави худро бо унвони «Аз санг сахт, аз гул нозук» бо теъдоди 1000 нусха аз чоп баровард.      Юсуфи Имомназар то ин фурсат бештари нигоштаҳои хешро аз тариқи рӯзномаи «Овози тоҷик» манзури хонандагон кардааст. Маҷмӯа аз достонҳои кӯтоҳ, қисса, мақолаҳои мухталифи таҳлилӣ ва фарҳангӣ иборат буда, масоили муҳими мухталифи иҷтимоӣ, мушкилоти рӯзгори муосир ва равишҳои ҳаллу фасли онро бо диди тоза фаро гирифтааст.       Унвони китоб аз номи яке аз қиссаҳои дар он ҷойдода гирифта шудааст, ки ба таъкиди нависанда аз рӯзгори падари ӯ нақл мекунад.      Юнуси Имомназар дастпарвари факултаи Донишгоҳи миллии Тоҷикистон мебошад. Аз соли 1996 то 2000 дар бахши форсии барномаҳои бурунмарзии радиои Ӯзбекистон фаъолият бурдааст. Айни ҳол дар яке аз ширкатҳои эронии Ӯзбекистон «Шимбар» кор мекунад ва ҳамзамон машғули фаъолияти эҷодӣ мебошад.