ШУМОРАИ ФАВТИДАГОНИ ТАРКИШИ ХУҶАНД МАЪЛУМ ШУД

     Душанбе, 3 сентябр. (АМИТ «Ховар», Дилшодаи Ҷонмард).-  Маркази матбуоти ВКД ҶТ хабар медиҳад, ки ҳангоми таркиш дар назди Раёсати корҳои дохилии вилояти Суғди ВКД ҶТ ба амаломада як нафар корманди раёсати мазкур, летенанти калони милитсия Маҳкамов Аюбҷон Камолович-инструктори дастаи махсуси зудамал, дар натиҷаи гирифтани ҷароҳати ҷисмонӣ дар беморхона ба ҳалокат расид. Инчунин, корманди дигари ҳамин раёсат, старшинаи милитсия Маёқубов Алиҷон Абдуллоевич-инструктор-тирандози хурди дастаи махсуси зудамал, ки дар назди даромадгоҳ адои хизмат мебурд ва кушиш дошт, ки автомашинаи ГАЗ24-ро нигоҳ дорад, беному нишон шудааст. Эҳтимоли зиёд ҳаст, ки ӯ низ ҳалок гардида бошад. Аз рӯи маълумоти пешакӣ дар дохили автомашинаи таркида ду нафар ҷинояткор қарор доштаанд. Аз рафти тафтишот ва натиҷаи санҷишҳо илловатан иттилоъ дода хоҳад шуд.