ТАЛАБОТ БА «ҲАҚИҚАТИ СУҒД» МЕАФЗОЯД

Душанбе, 29 сентябр. (АМИТ «Ховар», Бекназари Абӯбакр).- Нашрияи расмии мақомоти иҷроияи ҳокимияти давлатии вилояти Суғд «Ҳақиқати Суғд» аз оғози соли 2011 ҳафтае 3 маротиба нашр мешавад. Дар ин бора ба АМИТ «Ховар» аз хадамоти матбуоти раиси вилояти Суғд хабар доданд. Нашрияи «Ҳақиқати Суғд» аз 25 марти соли 1930 ҳамчун рӯзномаи расмии давлатӣ чоп шуда, номашро борҳо дигар кардаву вале дар мақсаду мааром, асолату рисолат то ба имрӯз побарҷост. Мавриди ёдоварист, ки то ба нимаи аввали солҳои 90-уми асри гузашта  рӯзномаҳои вилоятии «Ҳақиқати Ленинобод», «Ленинабадская правда» ва «Ленинобод ҳақиқати» ҳафтае 5 маротиба нашр мешуданд. Он вақтҳо  теъдоди нашри ҳар шумораи рӯзномаи кунунии «Ҳақиқати Суғд» то ба 45 ҳазор нусха мерасид.