ТАРҒИБИ СОЛИМИИ ҶОМЕА

Файзобод,29 сентябр.(АМИТ «Ховар», Зебо Давлатова).—Тавре ба хабарнигори  АМИТ «Ховар» Гулмаҳмад Нуров, раиси ҷамъияти «Ҳилоли Аҳмар»-и ноҳияи Файзобод иттилоъ дод, аз моҳи  апрели соли  ҷорӣ дар ноҳияи мазкур барномаи «Ёрии аввалин  ва солимии ҷомеа» ба фаъолият шурӯъ намуд.    Ин барнома аз ҷониби ҷамъияти «Ҳилоли Аҳмар»-и Тоҷикистон  бо дастгирии молиявии  Кумитаи байналмилалии «Салиби Сурх»-и  Финландия амалӣ мегардад. Бояд гуфт, ки  барномаи мазкур тайи чанд соли охир дар водии Вахш  ва вилояти Суғд амалӣ  мегардад. Мақсади асосии  барномаи мазкур тарғибу ташвиқи ёрии аввалини тиббӣ, солимии ҷомеа ва  вазъи нигаҳдории тандурустӣ дар манотиқи кӯҳистони кишвар мебошад.      Аз моҳи апрели соли  равон сар карда, ҷамъият дар  чор ноҳияи минтақаи Рашт,  аз ҷумла ноҳияҳои Нуробод, Тавилдара ва  Файзобод барномаи кори худро  идома дода истодааст.Гулмаҳмад Нуров афзуд, ки  барномаи  «Ёрии аввалин ва  солимии ҷомеа» тӯли  се сол, яъне солҳои 2010-2012 идома меёбад.