ҲУҶУМИ АВБОШОН БА ФУТБОЛБОЗОН

Душанбе, 13 октябр. (АМИТ «Ховар», Мавҷуда Анварӣ).- 11 октябри соли 2010 соати 17.30 як гурӯҳ шахсони номаълум тартиботи ҷамъиятиро вайрон карда, ба футболбозони дастаҳои «Ҳосилот»-и ноҳияи Фархор ва «Ҳулбук»-и ноҳияи Восеъ ҳангоми баромадан аз варзишгоҳи Восеъ дашномҳои қабеҳ дода, онҳоро сангборон намуданд, ки дар натиҷа оинаҳои автомашинаи шахсии Мухторов Абдулазиз Каримович, соли таваллудаш 1960, истиқоматкунандаи кӯчаи             Ф. Муҳаммадиев-23, тамғаи «Хундай-Старекс», рақами давлатиаш 19-70 РТ 01-ро шикаста ба ӯ ба маблағи 1250 сомонӣ зарари моддӣ расонидаанд. Дар натиҷаи гузаронидани корҳои фаврӣ-ҷустуҷӯӣ аз ҷониби кормандони ШКД ноҳияи мазкур муайян шуд, ки ҷинояти мазкурро шаҳрвандон Тошпӯлодов Қурбоналӣ Бегмуродович, соли таваллудаш 1985, истиқоматкунандаи к. Қараев-7, бекор, Ахмедов Мӯҳсин Бобошоевич, соли таваллудаш 1993, истиқоматкунандаи к. Ленин, х. 39/1, бекор, ноболиғ Салимов Акбар Алиевич, соли таваллудаш 1996, истиқоматкунандаи к. Ленин-17, хонандаи синфи 8 мактаби таҳсилоти умумии рақами №1, Идиев Холиқ Халилович, соли таваллудаш 1992, истиқоматкунандаи к. Э. Ҷӯраева, х. 33 ва донишҷӯи омӯзишгоҳи касбӣ-техникии №61 содир намудаанд. Нисбат ба ин ҳодиса парвандаи ҷиноӣ боз шуда, тафтиш идома дорад.             Дар ин бора ба хабарнигори АМИТ «Ховар» Маҳмадулло Асадуллоев-сардори  маркази матбуоти ВКД хабар дод.