ДОНИШКАДАИ ИҚТИСОДӢ ҲАМКОРИҲОИ ХОРИҶИРО ВУСЪАТ МЕДИҲАД

Душанбе ,  20  октябр.  ( АМИТ   «Ховар» ,     Сангзода    Муслиҳиддин ) .-    Имрӯз    дар   Донишкадаи   Иқтисодии  Тоҷикистон   нишасти  матбуотӣ   баргузор  гардид . Дар нишасти  матбуотӣ ректори   Донишкада   Нидоев  Нозимҷон      зикр  намуд ,  ки  соли  ҷорӣ  мо  ба  як  қатор  дастовардҳо   ноил  гаштем ,  аз   ҷумла  бо    Донишгоҳи    иқтисодии   Теҳрон ,  Донишгоҳи   давлатии   Руссия ,  Донишгоҳи   иқтисод  ва  идораи  Қазоқистон ,  Донишгоҳи  миллии   иқтисодии   Харков   ва  Донишгоҳи  давлатии  иқтисодии  Урал  шартномаҳои   дуҷонибаи   ҳамкорӣ  ба  имзо  расонидем .    Бояд гуфт,  ки дар  Донишкада  4  факулта   амал мекунад ,  ки  инҳо   факултаҳои   «Технологияҳои  информатсионӣ  ва  идоракунӣ  дар иқтисодиёт» ,  «Гумрук  ва  ҳуқуқи   иқтисодӣ»,  «Иқтисодиёт  ва  молия» ва  факултаи  « Муносибатҳои  иқтисодии  байналмилалӣ»      мебошанд .  Дар нишаст зикр гардид, ки  дар  Донишкада  25  нафар  донишҷӯи   хориҷӣ  таҳсил  карда  истодаанд ,  ки аз  ин   15   нафарро     ӯзбекҳо ,  8  нафарро  туркманҳо ва  2  нафари дигарро  афғонҳо ташкил   медиҳанд . Бояд гуфт, ки  дар доираи таҷлили  соли  маориф  ва  фарҳанги  техникӣ  дар  Донишкада   зиёда  вз  36  чорабинии   фарҳангию  сиёсӣ  гузаронида  шуд .