КАМБУДИҲО ОШКОР ГАРДИДАНД

       Бадахшон, 19 октябр. (АМИТ «Ховар», Л. Додо).-Дар 9 моҳи  соли ҷорӣ аз ҷониби раёсати Агентии назорати давлатии молиявӣ ва мубориза бо коррупсияи ВМКБ дар 79 корхонаю муассисаю идораҳо санҷиши мукаммал гузаронида шуд. Дар натиҷа ба маблағи 2 миллиону  600 ҳазор сомонӣ камбудӣ  ошкор гардид. Аз рӯи ин амалҳо 4 парвандаи ҷиноӣ ба суд фиристода шуд, Ҳамчунин,  ба хотири пешгирии ҳодисаҳои  тороҷи моликият ба идораву   муассисаҳо  35 пешниҳод ирсол гардид.   Аз рӯи  10 ҳодиса нафарони мансабдор тибќи моддаҳои  661 – 667 Кодекси маъмурии Ҳукумати Ҷумҳурии  Тоҷикистон ба ҷавобгарии маъмурӣ кашида шуданд.