МАСЪУЛИЯТҲОИ КОМИССИЯИ ҶОМЕАИ АВРУПО МУАЙЯН ШУД

Душанбе, 11 октябр.(АМИТ «Ховар», Марзия Саидова).-Лоиҳаи Қонунҳои Ҷумҳурии Тоҷикистон «Дар бораи амнияти озуқаворӣ», «Дар бораи оби нӯшокӣ ва таъмини он», «Оид ба ворид намудани тағйирот ба Қонуни Ҷумҳурии Тоҷикистон «Дар бораи Академияи илмҳои Ҷумҳурии Тоҷикистон», «Дар бораи сарватҳои зеризаминӣ», «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи хадамоти садамавию наҷотдиҳӣ, сохторҳои садамавию  наҷотдиҳӣ  ва вазъи ҳуқуқии наҷотдиҳандагон» аз масъалаҳое буданд, ки дар ҷаласаи Шӯрои Маҷлиси намояндагони  Маҷлиси Олии ҷумҳурӣ, ки таҳти раёсати Раиси палатаи поёнии парлумони мамлакат Шукурҷон Зуҳуров баргузор шуд,  баррасӣ гардиданд. Дар ҷаласа,  ҳамчунин, дар хусуси Созишномаи  байни Ҳукумати Ҷумҳурии Тоҷикистон ва Комиссияи  Ҷомеаи Аврупо дар бораи ифтитоҳ, имтиёз ва масъулиятҳои  намояндагии  Комиссияи Ҷомеаи Аврупо дар Ҷумҳурии Тоҷикистон  баррасӣ шуданд.