МАВОДИ НАШЪА БА СОҲИБАШ НАРАСИД

Душанбе, 15 октябр. (АМИТ «Ховар», Мавҷуда Анварӣ).-  13-уми октябри соли ҷорӣ соати 16.30 дар к. Апланчуки шаҳри Чкаловск  автомашинаи тамғаи «Мерседес-Бенс» рақами давлатиаш АА 3554 02/РТ таҳти идораи ронанда Қурбонов Н. боздошт гардид, ки ҳангоми азназаргузаронии автомашинаи мазкур аз бордонаш 1-адад халтаи селофанӣ дарёфт гардид. Дар дохили он маводи нашъадори ҳашиш буд, ки вазнаш 18 кг. 400 граммро ташкил дод. Дар ҳудуди маҳаллаи 18-уми шаҳри Хуҷанд ҳангоми гузаронидани корҳои фаврӣ-ҷустуҷӯӣ аз тарафи кормандони ШКД аз Қурбонов Нурмуҳаммад Неъмонович, соли таваллудаш 1976, истиқоматкунандаи маҳаллаи Победа, х. 33, ҳ.1, оиладор, бекор, пеш бо моддаи 281 КҶ ҶТ суд шудааст, 2-адад халтаи селофанӣ, ки дар дохили онҳо маводи нашъадори ҳашиш, вазнаш 2 кг. 170 грамм буд, дарёфт ва мусодира гардид. Аз рӯи ҳодисаи мазкур бо моддаи 200 қ.4 КҶ ҶТ парвандаи ҷиноӣ оғоз шудаст. Дар ин бора ба хабарнигори АМИТ «Ховар» Маҳмадулло Асадуллоев-сардори  маркази матбуоти ВКД хабар дод.