ПАШШАГАЗИДАҲОРО ТАБОБАТ МЕКУНАНД

     Душанбе, 5 октябр. (АМИТ «Ховар», Лаззат Диловарзод).- Тибқи маълумоти маркази матбуоти Сафорати Амрико дар Тоҷикистон, гурӯҳи алоқаҳои қӯшунҳои ИМА бо шаҳрвандон, ҳамчунин, Вазорати тандурустии ҶТ бо кӯмаки бемористони «Проспект» ва ширкати дорусозии «Гарант», ки дар шаҳри Душанбе қарор дорад, барои шунавандагони маҳаллӣ дар ноҳияҳои Ҳамадонӣ ва Шӯрообод машғулиятҳои таълимӣ оид ба табобати бемориҳои тавассути об, пашша ва хӯрокворӣ сироятшаванда доир намуданд.    Барномаи кӯмаки тиббӣ барои аҳолии деҳаҳои Ҷилга, Чубек, Метантуғаи ноҳияи Ҳамадонӣ ва Ёли ноҳияи Шӯрообод хеле босамар гузаронида шуд. Дар ин минтақа ҳамчунин курсҳои такмили ихтисос барои духтурони таҷрибаомӯз гузаронида шуда, беш аз 1200 нафар сокинони деҳоти ин ду ноҳия аз назорати тиббӣ гузаштанд.