САНҶИШИ ТЕХНИКИИ НАҚЛИЁТ

Мӯъминобод, 12 октябр. (АМИТ «Ховар», С. Холов).-Кормандони Бозрасии Давлатии Автомобилии  ноҳияи Мӯъминобод тӯли 9 моҳи соли равон дар  якҷоягӣ  бо раёсати корҳои дохилии вилояти Хатлон оид ба пешгирӣ намудани садамаҳои нақлиётӣ, ошкор ва мусодира намудани яроқу аслиҳаҳои оташфишон ва лавозимоти ҳарбӣ оид ба баланд бардоштани интизоми хизматӣ як қатор корҳоро ба анҷом расониданд. Аз ҷониби кормандони ин раёсат тӯли 9 моҳи соли равон 1939  ронандагони қонуншикан  ба ҷавобгарии маъмурӣ кашида шуданд, ки ин шумора нисбат ба ҳамин давраи соли  гузашта  100 акти қонуншиканӣ зиёд аст.Ба гуфтаи ин манбаъ кормандони раёсат дар 9 моҳи соли ҷорӣ тавонистанд, ки 804 адад нақлиёти гуногунтамғаро аз муоинаи ҳатмии техникии давлатӣ гузаронанд.