ШАРОИТИ ИҶТИМОИИ МАЪЮБОН БЕҲТАР МЕГАРДАД
Душанбе, 1 октябр.(АМИТ «Ховар», Марзия Саидова).-Палатаи поёнии парлумони Тоҷикистон 1 октябр дар иҷлосияи дуюми Маҷлиси намояндагон лоиҳаи Қонуни Ҷумҳурии Тоҷикистон «Дар бораи ҳифзи иҷтимоии маъюбон»-ро баррасӣ ва қабул кард. Қонуни мазкурро вазири меҳнат ва ҳифзи иҷтимоии аҳолии ҷумҳурӣ Маҳмадамин Маҳмадаминов шарҳ дода гуфт, ки алҳол дар кишвар наздик ба 152 ҳазор маъюб ба қайд гирифта шудааст, ки аз он 20 ҳазор нафарашро кӯдакон ташкил медиҳад. Мавсуф афзуд, ки соли равон аз буҷаи мамлакат барои таъмини нафақаи маъюбон ва дигар кӯмакпулию имтиёзҳои онҳо 84 миллион сомонӣ ҷудо гардидааст, ки ин рақам дар соли 2011-ум ба 97 миллион сомонӣ расонида мешавад. Мавриди зикр аст, ки қонуни мазкур бо назардошти омӯзиши таҷрибаи кишварҳои Иттиҳоди Давлатҳои Мустақил ва талаботи муоҳидаи Созмони Милали Муттаҳид оид ба ҳимояи ҳуқуқи маъюбон таҳия ва қабул шудааст. Самти асосии қонун ба беҳтар сохтани вазъи иҷтимоии маъюбон дар кишвар ва ҳамоҳангсозии фаъолияти вазорату идораҳои марбутаи ҷумҳурӣ равона гардидааст.
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
