СОХТАКОРИИ ҲУҶҶАТИ ХОНА

Душанбе, 13 октябр. (АМИТ «Ховар», Мавҷуда Анварӣ).- Дар натиҷаи гузаронидани корҳои фаврӣ-ҷустуҷӯи аз ҷониби кормандони ШКД ноҳияи Фирдавсӣ муайян гардид, ки шаҳрванд Хӯҷамов Фирӯз Шарифмуродович соли таваллудаш 1985,  истиқоматкунандаи кӯчаи Дӯстии Халқҳо, х. 94, бекор соли 2008 ҳуҷҷатҳои хонаи воқеъ дар кӯчаи Фирдавсӣ, х. 88, ҳ. 22-ро сохтакорӣ намуда, дар филиали №6-и «Фононбонк»-и ноҳияи Фирдавсӣ ба гарав монда, аз он ҷо 125000 сомонӣ гирифта ба манфиати худ сарф намудааст. Нисбат ба ин ходиса парвандаи ҷиноӣ боз шуда, тафтиш идома дорад.    Дар ин бора ба хабарнигори АМИТ «Ховар» Маҳмадулло Асадуллоев-сардори  маркази матбуоти ВКД хабар дод.