Таомҳои тоҷикӣ дар шаҳрҳои Федератсияи Русия ба таври шоиста муаррифӣ мегарданд
ДУШАНБЕ, 10.01.2026 /АМИТ «Ховар»/. Дар шаҳри Краснодари Федератсияи Русия чойхонаи тоҷикии «Анор-Анор» бо тарҳу меъмории миллӣ ва пешниҳоди таомҳои болаззати тоҷикӣ фаъолият дорад. Ҳамарӯза аз ҷониби ошпазону нонпазони моҳир оши палов, қурутобу шакароб, нону анвои гуногуни нонӣ омода ва ба муштариёни сершумор пешниҳод мегарданд, иттилоъ медиҳад мухбири АМИТ «Ховар».
Фаъолияти чойхонаи тоҷикии «Анор-Анор» дар шаҳри Краснодар дар муаррифии шоистаи санъати меъмории тоҷикон, аз ҷумла ҳунари кандакорӣ, таомҳои миллӣ ва унсури хоси миллати фарҳангии мо, яъне меҳмоннавозии тоҷикона ба сайёҳону сокинони маҳалӣ мусоидат менамояд.
Ба чойхонаи тоҷикӣ ҳамарӯза даҳҳо нафар намояндагони халқу миллатҳои гуногун омада, дар баробари фармоишу истеъмоли таомҳои лазизи тоҷикӣ бо табиати зебову афсункори Тоҷикистон шинос мешаванд. Зеро деворҳои чойхонаро нақшу нигори зебои тоҷикӣ ва мусаввараҳои табиати Тоҷикистон диққатҷалбкунанда намудаанд.
Дар чойхона ҳамарӯза аз ҷониби ошпазону нонпазони моҳир оши палов, қурутобу шакароб, нону анвои гуногуни нони омода ва ба муштариёни сершумор пешниҳод мегарданд.
Ин чойхона аз ҷониби соҳибкори тоҷик бо мақсади муаррифии санъати меъморӣ, маконҳои сайёҳии Тоҷикистон ва таомҳои миллии тоҷикӣ сохта шуда, мавриди истифода қарор гирифтааст.
Силсилачойхонаҳои миллии тоҷикии «Анор-Анор» дар шаҳрҳои Краснодар, Сочи, Санкт-Петербург, вилояти Ростов ва Ҷумҳурии Адигеяи Федератсияи Русия низ фаъолият доранд.
Бо чунин сатҳу сифати баланди хизматрасонӣ фаъолият намудани чойхона ва ба ин васила пешниҳоди ҳунарҳои мардумии тоҷикон баёнгари ҳифзу нигоҳдошти расму оинҳои миллӣ дар хориҷи мамлакат хоҳад буд.
Бояд иброз намуд, ки дар ҷаҳони муосир ҳар халқу миллат бо хусусият ва унсурҳои хос, аз ҷумла забон, либос, маросиму анъана, фарҳанг, инчунин таомҳои миллиаш муаррифӣ мегардад.
Таомҳои миллии тоҷикӣ дар хориҷи мамлакат низ талабгорони зиёд дошта, муаррифи миллати фарҳангии тоҷик дар арсаи ҷаҳонӣ мебошанд.
АКС: АМИТ «Ховар»
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
